رحلة لأندونيسيا .. الله يذكر ذيك الايام بالخير ...

[قاصد الخير]

السلام عليكم ورحمة الله وبركاته ..


كيف حالكم حبايب قلبي .. ان شا ءالله مرتاحين ومبسوطين ..


امس وبينما انا قاعدن افتش في حوستي وقراشيعي القديمة ((ايام العزوبية)) وامااار القى هاااك الميموووري اللي فاقده من زماااان ...

يوم فتحته ولا فيه صور لرحلة قمت بها إلى إندونيسيا قبل سنتين او ثلاث ..

الصراحة يوم شفت الصور هزني الشوق .. وقلت ياولد لازم نبطحها لكم تشوفونها ..


المهم ياااالربع مالكم بالطويلة ...


نبدا بالصور .. تراها واجد .. اللي ماله نفس يخليها لين يجيه نفس ..




http://yazeed1425.jeeran.com/photos/725022_l.jpg

هذي الصورة في الاجواء الاماراتية .. طبعا الرحلة كانت عن طريق طيران الامارات ..




http://yazeed1425.jeeran.com/photos/725023_l.jpg

هذي الاجواء الاندونيسية .. طبعا اول ما وصلنا .. لو تلاحظون الطيارة لافة مديورة للمطاار ..

<< وين ياعمي مديوره ..




طبعا الكل يعرف مدينة بنجاك في اندونيسيا المشهورة عندنا بالسعودية بــ (الجبل الاخضر) ..

كان التنسيق اننا اول ما نوصل مطار جاكرتا .. الفلة تحترينا في بنجاك ..

من حسن الحظ اننا وصلنا لجاكرتا في بداية الصباح في الساعة 6.30 تقريبا .. وصار عندنا وقت نوصل الجبل ونلحق على النهار هناك ..


المهم .. مالكم بالطويلة ..

اول ما وصلنا المطار ولا السواق يامال الغناة يحترينا في المطار .. مجهزن السيارة ..

اماااار انشده اول ما ركبت .. قلت له انت مغير الزيت والسيفون .. ورانا خط .. قال لي اركب وانت ساكت .. وخل عنك اللقافة .. تراك غثيتنا ..

<< تخيل يقول كذا ..


ويمغط بنا السواق يامال الغنيمة لبونجاك .. ياااااااااالله .. وش هالبنجاك ..

والله ياهي تلخوج بالواحد .. تخليه يقطع جوازه ماوده يرجع .. خضره ووناسة وسعة صدر .. ورخص .. يالله من فضلك ..


المهم ودانا للفلة الذيب الامعط سواقنا .. ياويل تسبدي ياذيك الفلة .. وش زينها ..


http://yazeed1425.jeeran.com/photos/725024_l.jpg

هذي صورتها .. وجنبها صورة السيارة اللي ضفتنا انا وربعي ..


http://yazeed1425.jeeran.com/photos/725025_l.jpg

هذي صورة ثانية للفلة من مكان ثاني ..

لو تلاحظون السواق واقف ورا السيارة .. على فكرة ترى اسمه راشد ..



المهم اننا وصلنا الجبل وحنا حول العصر .. قال لنا السواق : شوري عليكم يا ربع قاصد.. ترا الحين ما يمديكم تمشون تمشية صح .. ماعندكم الا العصر .. يبي لكم حديقتن صغيره قريبة بهذا اخبرها لكم .. توسع الصدر .. تقطعون به وقتكم علشان إذا جا الليل ترجعون للفلة وتطقونها بلوت وطبخ ونفخ وسعة صدر ..


واتشاور انا وربعي .. وقلنا شورك وهداية الله يا رش رش .. << يدلع السواق ..

والله ويدز بنا لحديقة الورد .. عاد خبركم سعوديين حدنا منتزه مشار .. ويوم تطوروا شوي حطوا حديقة سلام في الرياض .. ماعمرنا شفنا خير ..

يوم دخلنا لهالحديقة اللي يقول قطعوا بها وقت .. على بالنا لفتين وهي خالصة .. وزيها زي حديقة الوادي .. ولاها ويييييييييييييييين .. يالله الجنه ..

توسع الصدر .. ولا ودك تطلع منها .. قلنا للسواق: وين الله يجزاك خير هذي يبي لها اسبوع .. قال والله انكم قراوا .. انا من شفت قاصد معكم وانا غاسلن يدي .. وامار الفقها واسكت ..


طبعا راح انزل لكم صور بإختصار .. ما راح انزل لكم كل الصور اللي في حديقة الزهور .. لأنها كثييييره بالحيل ...


http://yazeed1425.jeeran.com/photos/725135_l.jpg

هذي يسمونها متاهة الحب .. تنفع للحبيبة ..


http://yazeed1425.jeeran.com/photos/725137_l.jpg

هالصورة خيااااااال .. روعة إلى ابعد حد .. تحس انك في عالم ثاني ..


http://yazeed1425.jeeran.com/photos/725136_l.jpg

يالربع تذكرون هذي .. اللي يجلس عليها الضفدع .. يوووووه تذكرت افتح ياسمسم يوم شفتها ..


http://yazeed1425.jeeran.com/photos/725026_l.jpg

عاااد تعرفوني عاد .. اذبحني عند الاصفر والازرق ..

كلها كوووم وهالورود كوم .. تمزع قلبي يوم شفتها .. قلت والله ما اطلع من الحديقة الا وانا مصورن معها ..


هذي بعض الصور في حديقة الزهور .. بعدها رجعنا للفلة وعيننا من الله خير .. ووسعنا الصدر انا وربعي .. المهم .. يوم جا من بكره ولا كل الشباب متحمسين عقب اللي شافوه البارح .. ومخططين يرجعون لنفس الحديقة .. قال لنا السوق : اقول بس بلا سباكه .. والله انكم من جد قراوى .. خابرن لكم حديقة والله ان تنبسطون عليها يا هالقراوى .. بتذكركم بحايل ..
كلنا تحمسنا .. قلنا : وشي تكفى ..
قال : حديقة السفاري .. ياااااااااااا الله يا حديقة السفاري .. تشوف الحيوانات مفلوته قدامك .. وانت تتمشى بالسيارة .. يعني تمر جنب الاسد .. وتشطف النمر تسلم عليه .. وتوكل بعض الحيوانات .. فلللللللللله حجاااج .. المهم مالكم بالطويلة .. هذي الصور .. .. طبعا ماعد اقدر ادرجها في هالموضوع ..

يتبع في الرد الثاني ..

[قاصد الخير]

باك ..

http://yazeed1425.jeeran.com/photos/725138_l.jpg

قبل ما ندخل الحديقة قال لنا رش رش الله يذكره بالخير : اسمعوا يا هالقراوى .. كانكم تبون توكلون الفيل والقروده يبيلكم تشرون موز .... وعلى اقرب مبسط وقفنا نشتري موز .. والظاهر اننا حنا اللي طلعنا قرود .. خخخخ
طبعا مشهور في اندونيسيا الموز الصغير .. ياسلااام ماتشبع منه ...

أول ما دخلنا الحديقة استقبلنا حمااار الوحش .. تكرمون ... ولقينا ناس يوكلونه قدامنا ..

http://yazeed1425.jeeran.com/photos/725139_l.jpg


اول ما تعدينا الحمير تكرمون .. لقيت هالثور .. واعجبني يشبه واحدن اعرفه .... لدرجة اني احس انه عرفني اول ما شافني ..

http://yazeed1425.jeeran.com/photos/725186_l.jpg

احس انه يقول : ياحووووول ... وش هالقراوى اللي نشبت بهم .. لا ومعهم قاصد الخير بعد .. لاااا باين انها صباحيه زفففت .. لاكن اوريك فيهم هالقراوى ..

يوم جانا يهدر .. هواااااا ..

http://yazeed1425.jeeran.com/photos/725187_l.jpg

النحشة ياولد ..

والله الولد جزووووم .. حط خشمه بخشمي ..

http://yazeed1425.jeeran.com/photos/725188_l.jpg

طبعاً انا ومن دون تردد .. سكر الدريشة والنحشة ياولد ..


http://yazeed1425.jeeran.com/photos/725189_l.jpg

عقبه .. شطفنا الفيل .. وكعادته .. حبوووووب .. ياحبي للفيل ..


http://yazeed1425.jeeran.com/photos/725190_l.jpg

شوفوا الوناسة يالربع ... .قاعدن اوكلها جزر ... ياويل تسبدي ويلاه ..


يتبع ....

[قاصد الخير]

بينما حنا نتسردح في حديقة السفاري .. ونلاحق هالمعزا والبقر والبعارين .. حتى الفيل ما سلم مننا .. شافنا السواق مبسوطين .. قال والله لاعقلكم يا هالقراوى .. اوريكم ..

قال لن السواق رش رش : اسمعوا ياربع قاصد.. الحين بندخل منطقة مايصلح تنزلون من السيارة .. اعقلوا وخلوا عنكم حركات القراوى .. ترا مانتم بحايل .. والله لو تنزل ان يبدا عزاك في حايل .. اعقلوا تسمعووووون .. قلنا : ان شاء الله .. قال : شاااطرين يا ربع قاصد..

يالله الحين بندخل مكان الاسود .. وااااااااااااااااااااااااااااااااااو ..


أول ما دخلنا منطقة الاسود استقبلتنا اللبوة .. طبعا القراوى كلهم بلعوا العافية وسكروا الدرايش .. وانا اولهم ..

http://yazeed1425.jeeran.com/photos/725241_l.jpg


التفت علينا السواق قال: خفتوا يالقراوى .. انا منجعر ولا كلمة .. ويلتفت علي يقول: وين المهايط يا قاصد .. والفقش يوم انا في الفله .. والله ما عندك الا الضعوي اللي يعوي .. اجل لو تشوف اللي بعده

ملاحظة. احس ان اللبوة كانت مبسوطة قبل ما نجي .. بس يوم جيت انا واخوياي احس انها طقتها الغلقة وتقول في نفسها وش جاب هالعلل ....

المهم مالكم بالطويلة ..

جينا عقبها للاسد .. وهو جالسن بأمان الله يسولف مع واحد من اخوياه ..


http://yazeed1425.jeeran.com/photos/725239_l.jpg

لاحظوا الاسد اللي وراه جالس يتفرج .. شكل السيارة اللي قدامنا فيها سحالي ..

المهم يوم راحوا اللي قدامنا .. جينا .. طبعا مانخلي اللقافة ..



http://yazeed1425.jeeran.com/photos/725240_l.jpg

قاعد يناظر ابو الشباب .. يقول وش هالقراوى على طول فتحوا الدريشة .. ودك من نقنق على راس واحدن منهم ..


وبعد الاستهبال والتصوير من قبل شلتي المصونه ... وبعد ما حس انه طاح في ناس قلق ..

http://yazeed1425.jeeran.com/photos/725243_l.jpg

انا احس انه يقول .. أنا وش بلاني الله بهالعلل .. الله يعديها على خير ..


المهم قعدنا نستهبل عليه شوي .. وطبعا لا أخفيكم ان الاستهبال ممزوج مع خوف اسطوري مر علينا .. لاكن وش نسوي .. مبسوطين حدنا نلاحق جعري في وادي ... ماعمرنا شفنا مثل هالطبيعة ..

المهم قال لنا الاسد : ترا شايبنا منسدح في اللفة يتشمس كان تبون تمرون عليه .. قلنا :والله حق وواجب .. لازم نمر ...

والله ونمر عليه ..

http://yazeed1425.jeeran.com/photos/725242_l.jpg

والاه والله منسدح .. ولا حبينا نزعجه .. ونروح نخليهم في حالهم .. ونطلع لمنظقة النمور ..

اول ما دخلنا على النمور .. والانا الظاهر مارينهم بعد الغدا .. لقيناهم متسدحين في النفاه ويناظروننا بنص عين ..

http://yazeed1425.jeeran.com/photos/728180_l.jpg

ولا احد منهم عطانا وجه .. قالوا وش هالقراوى مايسون من يقوم لهم .. قلنا يالله الشكوة لله يا رش رش خلهم وشف غيرهم ...


المهم اننا طلعنا من منظقة الاسود والنمور .. وجينا عند التماسيح .. الصراحة عليهم تماااسيح .. تروح ..

كبر السيارة ..
تخيلوا يالربع انهم يخافون على الزوار منها اكثر من الاسود والنمور .. لدرجة انها من الحيوانات النادرة اللي حاطين عليها حاجز ..

http://yazeed1425.jeeran.com/photos/728190_l.jpg

وبعدها دخلنا على منطقة الطيور .. شفنا طيور كثيييييييره الصراحة ودي اني اقدر ادرجها ... لاكن الوقت الحالي يبي لها تعب شوي.. وان شاء الله اني انزلها في وقت لاحق ...

http://yazeed1425.jeeran.com/photos/725303_l.jpg

هذي خفافيش هي اللي حصلت صورتها محفوظة في الجهاز ..


المهم بعد ما طلعنا من منطقة الطيور وتقريبا خلصنا من الحديقة .. دخلنا منطقة العروض ... يعني تصور مع نمر مع فهد مع قرد تكرمون .. تشوف عرض كوبوي .. تشوف السيرك .. عروض على كيفك ..

http://yazeed1425.jeeran.com/photos/728167_l.jpg

هذا فهد في منطقة العروض للي يبغى يصور معه ... بمبلغ زهيييييد جداً .. بما يعادل 4.5 ريال .. طبعا خويكم ماوفر هو والقراوى اللي معه .. كل واحد صقع له صوره معه ...


طبعا كانت هذه الصور في اول الايام .. بعدها رحنا لبالي .. ورحنا لباندونق .. وتمشينا وهجولنا .. وجاكرتنا ما خليناها .. نتفناها لين شبعوا مننا ...

بس الصراحة انها حلللللللللللللوه بالحيل بالحيل .. ورخيصة قوة .. خصوصاً إذا رحت لها في شهر مايو ولا يناير .. حلوه بالحيل .. تفتك من المدرسين ومن البزارين .. وتوسع صدرك مع هالشيبان المتقاعدين ...

انصحكم بزيارتها برفقه ناسن شقردية .. راعين بر وراعين طبخ ونفخ .. بينبسطون بالحيل هناك ..

اهم شي العزبة .. وخيشة رز من الزي هوا ..

ورحلة سعيدة وموفقة ..


اتمنى انها اعجبتكم الصور .. واعذروني على الاطالة ..


فوتوكوا بعافية حبايب البي ..



ب
ر
ب

[بحر وصعب مرساة]

الله يعطيك العافية يا قاصد صور جميلة جدا

والاحلى صور الطبيعة

يا سبحان الله

شكلكم ما كنتوا تبون ترجعون

يعطيك العافية

[قاصد الخير]

منورة بحورة ..

الجميل مرورك واعجابك ..

انتي تقولينه صادقه !!! .. اقول لك بغيت اقطع جوازي واطلب لجوء سياسي وارسل استقالتي بالفاكس .. من الوناسة وسعة الصدر ..


ان شاء الله القادم مذهل ..

نوريكم صور قاصد في تايلند .. ورحلة الهاني مون في ماليزيا ..


فوتك بعافية يابحورة ..


ب
ر
ب

[عبد المجيد]

ما شاء الله تبارك الله

ذكرتني بالميموري اللي ضاع مني في مصر وفيه أكثر من 200 صورة لآثار الأقصر الله لا يبارك فيه من ميموري


http://yazeed1425.jeeran.com/photos/725136_l.jpg

هذي وأنت الصادق تذكرنا بمسابقات الحصن كانكم تذكرونها

فيه نوع من أنواع السباق يجي الواحد يمشي الف ويطامر فوق هالورق



رحلة رائعة وجميلة جداً قاصد خير

[وســ المحبه ــام]

مشكور اخوي قاصد الخير موضوع جميل من كاتب اجمل




تحياتي
وســ المحبه ــام

[قاصد الخير]

مرررررررررررررحبتين كبااار ابو زايد ..

منور ياخلفهم ...


والله ياهي غبنة اذا ضاع منك ميموري ... تحسف ودك انك ما سافرت ...


هالميموري اشوا عقله الله ... الله يعقل لك ميموريك :)


فوتك بعافية ياعسل ..



وسام المحبة ..

منور عزيزي .. شاكر لك إطرائك ..

فوتك بعافية

ب

ر
ب

[مايكبرني لقب]

http://yazeed1425.jeeran.com/photos/725023_l.jpg



لحظه لحظه :ad009:


الحين مشغل جوالك بالطياره وماخذ راحتك تصوروالله ياأنت بايعها


بصراحه سفره زي هذي على قولتك اهم شي ناس يقدرون الطبخ والنفخ والأختراعات ,,



الله لا يهينك أخوي قاصد ,,,

[قاصد الخير]

مرررررررررررررحبتين كبااار ..


كيف حالك يا شيخ العرب . .. إن شاء الله منيح ..


من جدك انت مشغل الجوال بالطيارة؟؟؟ ياروح مابعدك روح ..


هذي كمره ديجتال اللي من دون فلم ..


بعدين على فكرة .. تقدر تشغل الجوال وتصور منه وانت في الطيارة ..


بس لازم قبل اقلاع الطيارة تحطه على وضع (غير متصل بالشبكة) ..... وعبر عن شعورك في الطيارة ..


منور بمرورك ياخلفهم .. واهم شي ان الصور اعجبتك ..


فوتك بعافية ..


ب
ر
ب

[دهن عود]

صور خياااال .....ولا في الأحلام....

ومن خلالها واضح أن رحلتكم كانت ممتعة ولا تنسى.....

ماعمري رحت لأندونيسيا:ad0023:

والآن والله هزنا الشووق :ad0025:

[قاصد الخير]

والله مرورك الخيال يا دهن عود ..

والله الصراحة كانت رحلة من احسن الرحلات في حياتي .. وبالنسبة لاندونيسيا انا اشهد انه ديرتن توسع الصدر .. بس ما عليك الا اختيار الاخويا السنعين ... وتجهيز العزبة السنعة .. واكد حجزك يامال الغنيمة .. وأنصحك فيها بقوة ..


منورنا ياخلفهم ..

فوتك بعافية ..

ب

ر
ب

[حبيليص]

فقعت قلبي ياقاصد يوم شفت الصور

والله ياعندي موميري منتفخ من الصور هناك

تبي أصيحك صدق ؟؟؟

كل الصور اللي أنت حاطه في ( بن جاك )

تبي أحط لك صور من بالي أخلي بطنك من جد يمغصك على الروحه مره ثانيه ...

الله يعطيك العافيه

[قاصد الخير]

مرررررحبتيييين كبااااار ولغيرك كتييير زغاااار حبلوووص ..

ازيك ياباشا ... عامل ايه ..

والله يابن الحلال انا كل ما شفت شغالتنا مغصني بطني .. وانت تبي تمغص بطني زوووود ..

اقول انا اشهد ان هالديار تسر الخاطر .. وتبعد الضيقة ... والله العالم اني اذا تقاعدت باستلم حقوقي وباأكد الحجز لهالديار اللي توسع الصدر ..


منور بطلتك با حبلوص بااااشا ..


فوتك بعافية ..


ب
ر
ب

[hosen10]

موضوع غايه في الروعه

[صمت الشفايف]

واااااو


صراحه خيال مرة روووعه تحمست اروح لها


اجل كيف ماليزيا بس ؟؟

[حبيليص]

^
^
^
^
^

ماليزيا مهب شي وأنا أخوك عند أندونيسيا خاصة ( جزيرة بالي ) تنظيمها أوربي وجوها أستوائي ساحلي
وكله كوم والخضره والبحر والرحلات كوم ثاني ..........


واااااااااااااااااااااااااااااااا

وااااااااااااااااااااااااااااااا <<<<<<<<<<<<<<<< بدء يصيح خخخخخخخخخخخخخخ

طبعاً فيه منطقه يقولون إنها أفضل من أندونيسيا بس أنا ما رحت لها اللي هي تايلند والله أعلم .

[غزال المملكة]

قاصد حمد الله ع السلامة ها البلد حلوة

[ريـــــم]

يعطيك العافيه
والله روووووووووووووعه