المـلـك عبدالعزيز وأبن شلهوب

[أواوه]

سمعت هذه القصه من أحد كبار السن ويقول فيها :
ابن شلهوب هو احد الخويا اللى شغالين عند الملك عبدالعزيز , وعادة يجتمعون

كل الخويا فى الديوان - من صبح الله - وكل واحد فيهم تحت الطلب لأى طلب

وفى يوم من الأيام طلب الملك ابن شلهوب وقال له : ابـيـك تـبـنـي لى سبع قصور

لأنى ابزوج عيالي بليله وحده وأبي اسكنهم بيوم واحد ! وأنت بتكون المشرف

والمسؤل عن الشغل وعن العمال , قال له سم طال عمرك

وبداء الرجال بالشغل مع مجموعه من العمال أهل الخبره والمتمرسين بالشغله

لكــن 00 طال الوقت وهم ما كملوا الا قصرين , وعرف الملك بالتأخير ونادى

ابن شلهوب وقاله : شف لك شهر واحد أن ما ما أنجزتهم كلهم ترى ابي اقطع

راسك! , ويالله خل عمالك يشتغلون ليل ونهار علشان تـنجز شغلك 0

وبد الرجال بالشغل على ورديات ناس بالليل وناس بالنهار وأجتهدوا اكثر من

اللازم لكن البناء يبى وقت طويل وعجز الرجال يخلص القصور بالمده اللى

حددها الملك , وحتى انه اهمل نفسه وأهله وهندامه , وكان من عادة ابن شلهوب

أنـه يصبغ لحيته باللون الإسود

وفى صباح احد الأيام كانو الخويا مجتمعين بالقصر ولمح الملك عبدالعزيز ابن شلهوب

وشا ف لحيته منقلبه إلى اللون الأبيض وأستغربها منه وقال له : وراك ما صبغت لحيتك

زى العاده ؟ قال : خلاص ياطويل العمر هذى ماهي لحيتي وهي هلحين لحيتكم !!!

قال الملك : وشلون لحيتي ؟

قال ابن شلهوب انت طلبت مـنـى اني اتم لك بناء القصور وعطيتني مهلة شهر وخلصت

المده مع اننا نشتغل ليل ونهار وعجزنا نكملها والشغل يبي وقت واجد ! وأنت طال عمرك

قلت انك تبي تـجـز راسي ان ما تمينا الشغل بالمهله اللى انت حددتها ! وعلشـان كـذا

ما كلفت نفسي اصبغ لحية يبي يقطع راسها بعد شوي !

وضـحك الملك عبدالعزيز ضحكة كبيره وقال له : كمل شغلك وأصبغ لحيتك وهـي لك

وما حنا مسوين فيها شيء !

وطلع ابن شلهوب من هالمنكح بنباهته وبديهته وأستمر فى شغله حتى كملهم !

[مشرف التراث سابقاً]

اخوي

قصه رائعه

وبن شلهوب عرف كيف يقول للملك عبد العزيز ويعتذر له عن الـتاخير في البناء باسلوب بليغ

والملك عبد العزيز رحمه الله عرف عنه العطف والحلم والتواضع للقريبين منه

شاكر لك اتحافنا بهذه السالفه

[عبد المجيد]

قصة جميلة جداً

والردود الفورية التي تحدث في مجالس الملوك والخلفاء كثيرة جداً ولقد خصص لها العديد من الكتب ... أتذكر أنني قرأتُ في كتاب المستطرف في كل فن مستظرف العديد من القصص المشابهة لما حدث لإبن شلهوب ...

شكراً لك أواوه على هذا القصة وعلى ما رسمة على شفاهنا من إبتسامة في هذا الصباح الغئم

[أواوه]

ابو عزيز / حياك الله
نعم الملك عبد العزيز مشهود له بالرحمه والعطف , وخصوصآ
القريبين من حوله وهم وحدهم يقدر ذلك
كما انه رحمه الله لم يقصد فى كلامه أنه سينفذ ما قاله بل الهدف
منه هو حث ابن شلهوب بسرعة العمل وعدم التهاون فى تنفيذ
الأمـر , وهناك مقوله يرددها المك للخويا وهي عجَل ولا تسرع
وقد سألت والدي رحمه الله عنها وما تعني هذه الكلمه وكنا على
سفر بالسياره وقال ( امسك الطريق ولا توقف ابد حتى توصل )
يعنى لا تشغل نفسك بوقفة عند محطه او انك تريَح بين فتره وفتره

مع شكرى لك على تعقيبك 00

[أواوه]

شكراً لك أواوه على هذا القصة وعلى ما رسمة على شفاهنا من إبتسامة في هذا الصباح الغئم
صباح غائم بس يا ابو زايد وين المطر , كل ماجت سحابه هجت
عن الرياض وكأن لسان حالها يقول ( معصي ) الذنوب واجد نروح لغيرهم :5008:
الله يعطيك العافيه على طلَتك 00