مشرف التراث سابقاً
03-30-2006, 04:16 PM
قصيدة في وصف بيت الطين القديم
من شعر :
( عبدالعزيز بن فهـــد البســـــــــــام )
عنيزة
يامـن يعاونـي علـى بعـض الأفكـار =أفكـار بيـت الطيـن شـرحـه ومعـنـاه
يسـمـون بـيـت الطـيـن يامسـنـدي دار = الاســم عــمّ الــدار كـلـه ومـبـنـاه
أولـهـن القـهـوة مصـاريـع و وجــار = و دلال يسمـونـه معـامـيـل مـركــاه
و نقيرةٍ معها الحجر نحت الاحجار = و الطاق هو و المحكمـة مـع امسـواه
و مبـرّد القهـوة و محمـاس لـه كـار = و الملقمـة و المبـهـرة عـنـد مَصـفَـاه
و القبّـة اللـي بـه َروَازن للاسـرار = مثـل: الفُـروك و مِكحلـة عـيـن ودواه
واوتــاد ِيسلّتـهـن بـقـدوم نـجـار = يعـلّـق بـــه المـلـبـوس لـجـلـه ركـزنــاه
والورد يمشط به صغيرات وكبـار = وقبـة اصْفـاف البيـت للعيـش ورحـاه
و التّبرقـه لرحـا المعيّـة والاثمـار = ومنـخـاس مــن عـنـد المخـفـة لفـزنـاه
وجصّـة و صوبـه ثابتـات بهـالـدار = و عِـرزالـة الصـفـة غريـبـه مـسـواه
والقـرو والمَطهَـر لهـن ذكـر واخبـار =والكـل مـنـا مــادرى ويــش يقـفـاه
وقوتالـةٍ تكـشـف لــه الـبـاب والـمـار = ولا السـمـاوه مـنـور البـيـت تلـقـاه
ورواشـن المصبـاح لـه دور وادوار = وغريـفـة المنـفـوح بالسـطـح مبـنـاه
والمغرفـة والموقعـة بنـت الاشجـار = والصحفـة اللـي مـن خشبنـا نجرنـاه
والـبـاب فـيـه اخـبـار واذكــار وآثــار = فـيـه القـلاقـل حافـظـات لمـجـراه
والسكّـره للبـاب مـن بيـن الاذكـار = والحـوش فيـه الحسـو والدلـو ورشـاه
والسرج من صنع التّنك ماله انوار = يطفى من ادنى " تش " من جاه طفاه
والزنـد والخلخـال للوقـت تعبـار = وبربـوش والخشخـاش للـسـاق يـزهـاه
وخـصـور وزمـيّـم يعـلـق بشنـكـار = ومقـمّـرات مــن الـمـجـاول مـطــواه
اسمـع وخلـك مـن هـل العـرف والكـار = اخبـار ماقبـلـك وقــل الحـمـد لله
صلـوا علـى المختـار ماهـل الامطـار = او عـد مادهـم السحايـب نثـر مــاه
منقول
من شعر :
( عبدالعزيز بن فهـــد البســـــــــــام )
عنيزة
يامـن يعاونـي علـى بعـض الأفكـار =أفكـار بيـت الطيـن شـرحـه ومعـنـاه
يسـمـون بـيـت الطـيـن يامسـنـدي دار = الاســم عــمّ الــدار كـلـه ومـبـنـاه
أولـهـن القـهـوة مصـاريـع و وجــار = و دلال يسمـونـه معـامـيـل مـركــاه
و نقيرةٍ معها الحجر نحت الاحجار = و الطاق هو و المحكمـة مـع امسـواه
و مبـرّد القهـوة و محمـاس لـه كـار = و الملقمـة و المبـهـرة عـنـد مَصـفَـاه
و القبّـة اللـي بـه َروَازن للاسـرار = مثـل: الفُـروك و مِكحلـة عـيـن ودواه
واوتــاد ِيسلّتـهـن بـقـدوم نـجـار = يعـلّـق بـــه المـلـبـوس لـجـلـه ركـزنــاه
والورد يمشط به صغيرات وكبـار = وقبـة اصْفـاف البيـت للعيـش ورحـاه
و التّبرقـه لرحـا المعيّـة والاثمـار = ومنـخـاس مــن عـنـد المخـفـة لفـزنـاه
وجصّـة و صوبـه ثابتـات بهـالـدار = و عِـرزالـة الصـفـة غريـبـه مـسـواه
والقـرو والمَطهَـر لهـن ذكـر واخبـار =والكـل مـنـا مــادرى ويــش يقـفـاه
وقوتالـةٍ تكـشـف لــه الـبـاب والـمـار = ولا السـمـاوه مـنـور البـيـت تلـقـاه
ورواشـن المصبـاح لـه دور وادوار = وغريـفـة المنـفـوح بالسـطـح مبـنـاه
والمغرفـة والموقعـة بنـت الاشجـار = والصحفـة اللـي مـن خشبنـا نجرنـاه
والـبـاب فـيـه اخـبـار واذكــار وآثــار = فـيـه القـلاقـل حافـظـات لمـجـراه
والسكّـره للبـاب مـن بيـن الاذكـار = والحـوش فيـه الحسـو والدلـو ورشـاه
والسرج من صنع التّنك ماله انوار = يطفى من ادنى " تش " من جاه طفاه
والزنـد والخلخـال للوقـت تعبـار = وبربـوش والخشخـاش للـسـاق يـزهـاه
وخـصـور وزمـيّـم يعـلـق بشنـكـار = ومقـمّـرات مــن الـمـجـاول مـطــواه
اسمـع وخلـك مـن هـل العـرف والكـار = اخبـار ماقبـلـك وقــل الحـمـد لله
صلـوا علـى المختـار ماهـل الامطـار = او عـد مادهـم السحايـب نثـر مــاه
منقول